പാലക്കാട് നിയമസഭാ മണ്ഡലത്തിൽ നിന്നും വിജയിച്ച കോണ്ഗ്രസ് നേതാവ് രാഹുൽ മാങ്കൂട്ടത്തിൽ, ചേലക്കര നിയമസഭ മണ്ഡലത്തില് നിന്നും വിജയിച്ച സിപിഎമ്മിന്റെ യുആര് പ്രദീപ് എന്നിവര് എംഎല്എമാരായി സത്യപ്രതിജ്ഞ ചെയ്ത് ചുമതലയേറ്റു. നിയമസഭ സ്പീക്കര് എഎൻ ഷംസീര് സത്യവാചകം ചൊല്ലികൊടുത്തു. മുഖ്യമന്ത്രിയും പ്രതിപക്ഷ നേതാവും അടക്കമുള്ള നേതാക്കള് സംബന്ധിച്ചു. യുആര് പ്രദീപ് ആണ് ആദ്യം സത്യപ്രതിജ്ഞ ചെയ്തത്. യു ആര് പ്രദീപ് സഗൗരവമായിരുന്നു സത്യപ്രതിജ്ഞ. തുടര്ന്ന് രാഹുൽ മാങ്കൂട്ടത്തിൽ ദൈവനാമത്തിൽ സത്യപ്രതിജ്ഞ ചെയ്തു. രാഹുൽ ആദ്യമായും യുആര് പ്രദീപ് രണ്ടാം തവണയുമാണ് എംഎല്എയാകുന്നത്.
